تزوجته بسبب قهوه مالحه قصه حب روعه بقلمي المميز

كان في شاب اسمه خالد فقير كان قاعد بكوفي شوب مع رفايقه شاف بنت مثل الملاك حلوه وايد اعجب فيها
راحلها بكل بساطه وقالها لو سمحتي ممكن اجلس عندج ورفايجه قاعدين بالطاوله اللي وراها يشوفون شنو يسوي
قالتله اقعد قعد خالد وهو يطالع بعيونها نادا العامل مال القهوه قاله جيب اثنين قهوه المهم العامل جاب القهوه
وقالها شنو اسمك قالتله اسمي اميره وبعدين اميره قالتله انت شتبي بالضبط بكل صراحه قالها ابي اوصل لقلبج
احمر وجها وقالتله انت ما تستحي وتوها بتقوم راح مسكها من ايدها وقعدها وقال للعمل جيب ملح العامل وكل
اللي بالكوفي شوب استغربوا بنظراتهم اللي كلها استغراب راح العامل وجاب الملح وخالد من كثر الاحراج حط الملح
واميره بكل استغراب قالتله ليش تحط الملح مع القهوه قالها وهو يدمع انا احطها لاني اتذكر اهلي اللي ببلادي
لمن كنت صغير كنا نقعد بالبحر المالح وانا احب القهوه المالحه عشان جذي اتذكر بلدي والبحر المالح
البنت من كل قلبها بكت وهي تطالعه ومن اليوم الثاني راح خطبها ووافقت وكل يوم في بيتهم تسويله قهوه وتحط فيها ملح
ويوم جا يوم موت خالد كتب لها وصيه مكتوب فيها انا اكره اكذب عليج بس كذبت عليج مره وحده تذكرين يوم بالكوفي شوب
قلتلج اني احب القهوه المالحه عشان اتذكر البحر وبلدي كنت اكذب انا كنت بقول سكر وبدون قصد قلت ملح
وكنت اشرب القهوه معنها مالحه وطعمها مو حلو مثل الطحالب بس عشانج اسوي كل شي وياريت في حياتي الثانيه
اشرب القهوه المالحه بس عشانج من خالد
ومن قرتها الدموع تنهمر من على خدها وتقول الله يرحمك يا زوجي المخلص
النهايه اتمني ان تنال اعجابكم